sesotho

Jan. 27, 2020

KA BAQOLOTSI BA RONA

2 min read

Ba ‘muso ba akhela Thabane lihanaboi

Ba ‘muso ba akhela Thabane lihanaboi

Motsoahae Thabane le mohatsa oa hae ‘Maesaiah ‘Liabiloe’ Thabane mohla tsatsi la lenyalo la popota

Story highlights

    Mofu Lipolelo Thabane o ne a thunngoe ho fihlela a timela ke banna ba sa tsejoeng a le ka koloing e mo isang ha hae.
    Mosali e mocha oa Thabane, ‘Maesaiah, o ile a fuoa lengolo le mo bitsetsang lipotsong melabana le lefu la Lipolelo.

Metro Audio Articles

Catch our weekly audio news daily only on Metro Radio Podcast News.

listen now

Sepolesa sa Lesotho se akheletse Tona-kholo Motsoahae Thabane lihanaboi hore a iqhoaele haeba a ka itšoaseletsa lefung la mohatsa’e Lipolelo, ele ha a bitselitsoe lipotsong ntlo-kholo ea sepolesa ka Laboraro.

Lengolo le ngoletseong Thabane ke Mohlahlami oa Sepolesa, Paseka Mokete, ke mokhoepa oa bobeli o ntšang Lekhoakhoa puo hanong litabeng tsa polao ena eo ba-batseka ba reng lipatlisiso li supa ha a lokela ho araba lipotso tse itseng malebana le lona.

Sethathong, khoeling ea Tšitoe, ngoahola, sepolesa se ile sa kopa tona-kholo ho se hlalosetsa hore na tšebeliso ea mohala oa hae oa thekeng nakong ea polao ea Lipolelo o e tseba joang, kaha ho sibolotsoe hore mohala oo oa letona le leholo la Motlotlehi o ile oa letsetsana le o mong sebakeng le nakong ea polao ea Lipolelo ka selemo sa 2017 – polao e etsahetse ka thokonyana ho motse-moholo Maseru motseng oa Ha ‘Masana ha o leba Bokaota.

Mofu o ile a tšeloa ka likulo ho fihlela a timela ke banna ba sa tsejoeng a le ka koloing e mo lebisang lapeng ha hae, ha ele mopalami e mong ea neng a ena le eena koloing moo o ile a phonyoha ka maqeba a seng mabe. Lipolelo o iketse boea-batho a ne a sa tsoa ahloleloa ke lekhotla la molao hore ke eena eo e leng mohats’a tona-kholo ka molao, kaha ba ne ba e-so hlalane ka molao nyeoe ea bona e ne e ntse e sisintha hona makhotleng moo. Le ha a hlotse nyeoe joalo, ‘M’e Lipolelo ha a kaba a fuoa tlhompho eo e mo lokelang ele molekane oa tona-kholo e litulong ea naha – o ne a fenethoe matsatsi a mabeli feela pele Tona-kholo Thabane a hlapantšoa ele hlooho ea ‘muso oa Lesotho

Enjoy our daily newsletter from today

Access exclusive newsletters, along with previews of new media releases.

Molekane oa hajoale of Tona-kholo Thabane, ‘Maesaiah, eena o ile a hlajoa ka lengolo le mo bitsetsang lipotsong melabana le lona lefuna lena ka la 10 Pherekhong, empa o ile a ikhethela ho se itlhahise sepoleseng le ha ba-‘muso ba ne ba mo tsoma le ka tlas’a majoe. O tlalehoa esale a ipha limenyane a baleha lipotso tsa sepolesa polaong ena, ‘me lekhotla le se le bile le fane ka taelo ea hore hohle moo a bonoang a nokeloe lihanaboi a tšoaroe – esale a ina libono metsing ho fihlela joale. Ho sa le joalo, e se ele makhetlo a mabeli joale, esale lefu la ‘M’e Lipolelo le boela le eba melomong ea sechaba, Tona-kholo Thabane a phatlalatsa hore o itokolla setulong sa ho ba hlooho ea ‘muso – le ha letsatsi la ho leba hae e setse ele pinyane ea hae; empa o tšepisitse hona ha a ntse a phatlalatsa joalo hore a keke a kena-kenana le lipatlisiso tsa sepolesa lefung la Lipolelo ho hang.

Share the story

METRO WEATHER FORECAST

Tailored for you

NEW COALITION GOVT  PROMISES ECONOMIC FREEDOM

ISSUE: 2222

NEW COALITION GOVT PROMISES ECONOMIC FREEDOM

Published: Oct,12